Menu

Fijian Community Association Victoria Inc

header photo

INFORMATION ABOUT CORONA VIRUS:

MO DARAMAKA NOMU I TATABONAKI NI UCU KEI NA GUSU:

Tataqomaki mai na COVID e na draki Katakata (Summer):


Mai na 11.59pm, na i ka 6 ni Tiseba 2020, vakavo ke dua tale na ivakaro.
Mai na 5pm e na i ka 31 ni Tiseba, e a veisautaki e so na vakatatabu oka kina na veisautaki ni daramaki ni tatabonaki ni ucu kei na gusu kei na wiliwili ni tamata evakatarai me ra tiko e na dua na soqo e vale.

Biubiu e vale: E sega na vakatatabu ni biubiu e vale ia tataqomaki vinaka.

Soqo raraba: Yaco ki na 100 era rawa ni ra soqo e tuba ka sega ni yalani na i wiliwili ni matavuvale era cavutu mai kina, sega ni wili na gone vula 12 se gone sobu.


Vulagi e vale: Yaco ki na 15 na vulagi era veisiko e vale e na dua na siga (sega ni wili na gone vula 12 se gone sobu.) E sega ni yalani na i wiliwili ni matavuvale era cavutu mai kina na vulagi ka ra rawa ni veisiko vata se era dui lakolako yani. Na lomanibai e liu kei na lomanibai e muri erau wili me tiki ni vale.


Na i tatabonaki ni ucu kei na gusu: Mai na 5pm e na i ka 31 ni Tiseba 2020 e dodonu mo daramaka e dua na i tatabonaki ni ucu kei na gusu kevaka o tiko e na dua na vanua e loma ni vale era taleva na lewenivanua raraba vakavo ke vakadonui vakalawa mo kakua ni daramaka e dua.

Oqo e oka kina na gauna e sikovi kina na veivanua me vaka na:  

  •  na veivanua ni volivoli lelevu, na veisitoa ni volivoli (supermarkets), na veivanua ni volitaki iyaya( retail outlets) kei na veimakete era tiko eloma ni vale.
  •  veivalenibula, kei na veivanua era dau qaravi kina na matua
  •  veivanua ni kana kei na veivanua ni gunu ti, vakavo ga e na gauna o kana se gunu tiko kina
  •  veivalenilotu kei na veivanua ni sokalou
  •  veivanua ni vola kei na wilivola
  • veivanua ni qito e loma kei na veivanua ni vakaukauwa yago
  • veivanua ni cakacaka e tiko e loma ni vale.

E dodonu mo tikoga vei iko e dua na itatabonaki ni gusu kei na ucu e na veigauna kece o biuta na nomu itikotiko, vakavo ke vakadonui vakalawa mo
kakua ni daramaka e dua. Oqo e baleta de mani lakolako e na gadrevi mo vakayagataka e dua na itatabonaki ni gusu kei na ucu, dua na kena vakaraitaki, ni sega ni rawa ni o vakayawaki iko me 1.5 na mita mai vei ira na tamata se o curu ki na dua na vanua era dau taleva na lewenivanua raraba.
E dodonu mo daramaka e dua na itatabonaki ni gusu kei na ucu e na gauna o tiko voli kina e na rara ni waqavuka. E sa vakaturi vakakaukauwa mo
daramaka na nomu itatabonaki ni gusu kei na ucu e na gauna o vuka tiko kina.

Ke dua e dikevi ni sa tauvi koya se kilakasamitaki ni sa tauvi koya na COVID-19, se e dua e veitaratara vakaveivolekati kei na dua e tauvi koya na COVID-19, e dodonu me dara e dua na iubi ni mata kevaka e vakadonui mo biuta na nomu vale/vanua o vakaicili tiko kina e na dua na ulubale vinaka mevaka na veiqaravi vakavuniwai.


Na veivanua era qaravi kina na gone kei na vanua era vakatavulici kinana gone: Dola .
Veikoronivuli: Vakayacori na vuli e koronivuli
Na nodra vanua ni vuli na matua: Dola ka sega ni dua na iyalyala e na loma ni valenivuli.

Vakamuri tikoga na ivakasala e vauca na nodra lesu tale ki vale ni cakacaka o ira era a cakacaka tiko mai vale, oya na iyalayala ni tamata era rawa ni laki cakacaka e vale ni cakacaka e 25 na pasede. Na veivale ni volavola, e na rawa ni tubu ki na 50 na pasede o ira era lesu ki vale ni cakacaka mai na i ka 11 ni Janueri 2021 – se e na veivanua ni cakacaka e lailai mai na 40 na tamata cakacaka, e na rawa ni yacova na 20 o ira era rawa ni cakacaka e na vanua ni cakacaka – ka na vakatau ki na i vakasala ni tabana ni bula raraba.

E rawa ni tekivu vakamuria na Victorian Public Service na i tuvatuva ka vauca na lesu tale ki vale ni cakacaka oya me 25 na pasede me ra tekivu cakacaka tale e vale ni cakacaka mai na i ka 11 ni Janueri ka tubu ki na 50 na pasede mai na i ka 8 ni Feperueri 2021, vakatau ki na ivakasala ni tabana ni bula raraba.
O ira kece na veivanua ni cakacaka e na gadrevi me ra vakarautaka e dua na i tuvatuva ni tataqomaki mai na Covid se COVIDSafe Plan.


Veivanua ni veivakamarautaki se Hospitality: Me vakamuria na lawa ni 1 na tamata e na veiya 2 na mita vakarivirivi 1 per 2sqm na veivanua ni veivakamarautaki e loma ni vale se e tautuba. E yalani me tikoga e na dua na vanua ni veivakamarautaki e 25, ni bera ni qai vakayagataki na ivakasala e yalana na veiyawaki ni tamata. E na iyalayala kevaka era dabe na vakamarautaki. Me vakamuri na lawa ni 1 na tamata e na veiya 4 na mita vakarivirivi 1 per 4sqm e na vanua ni danisi ka yalani me rawa ni yacova ga
na 50 na danisi. Na veivanua kece era vakamuria na lawa ni 1 na tamata e na veiya 2 na mita vakarivirivi 1 per 2 sqm, e dodonu me maroroi tu na kena i tukutuku e na mona livaliva. E na veivanua ni veivakamarautaki e ra sega ni vakayagataka na mona livaliva me na vakamuria na lawa ni 1 na tamata e na vei ya 4 na mita vakarivirivi 1 per 4 sqm.


Vanua ni kana e na veivanua ni volivoli lelevu: Era na dola kece na veivanua ni kana e loma ni vale se e tautuba ka vakamuri na lawa me 1 na tamata e na vei ya 2 na mita vakarivirivi 1 per 2 sqm. E sega ni yalani na i wiliwili era qaravi e na vanua ni kana e loma ni vale. Na veivanua ni vakaukauwa yago kei na vanua ni qito e loma ni vale: E
sega ni yalani na levu ni tamata ia e dodonu me vakamuri na lawa me dua na tamata e na veiya va na mita vakarivirivi 1 per 4sqm . Na vanua ni va kaukauwa yago kei na kalasi ni va kaukauwa yago e yalani ga ki na 50 ( sega ni wili kina o ira era cicivaka tiko na kalasi). E na vinakati me ra tiko na
tamata cakacaka era yadrava me vakamuri na ivakasala ni Covid se COVID Marshals e na vei vanua kece ni va kaukauwa yago era qarava na tamata cakacaka saumi (staff). E na gauna e sega ni dua e qarava na vanua ni vakaukauwa yago, me na vakamuri na lawa me dua na tamata e na veiya 8 na mita vakarivirivi (1 per 8 sqm). Me volai tu vakamatata na levu ni tamata e vakatarai me ra tiko e na loma ni vale ni vakaukauwa yago, me vakarautaki na iqusiqusi (wipes) kei na wainimate ni sava ni liga me ra vakayagataka na laki vakaukauwa yago, ka gadrevi me maroroi vinaka tu na itukutuku ni veika kece e vakayacori ka me tabaki e na mona livaliva na i tuvatuva ni tataqomaki mai na Covid se COVIDSafe Plan ni veivanua ni vakaukauwa yago era rawa ni ra vakayagataka e 500 se sivia. Na vanua ni vakaukauwa yago kei na vanua ni qito e tautuba: E yalani kina 100 na tamata era tiko e na dua na kalasi ni vakaukauwa yago ka me vakamuri na lawa me 1 na tamata e na veiya 2 na mita vakarivirivi 1 per 2sqm. E gadrevi me maroroi vinaka tu na itukutuku ni veika kece e vakayacori ka me tabaki e na mona livaliva na i tuvatuva ni tataqomaki mai na Covid se COVIDSafe Plan ni veivanua ni vakaukauwa yago era rawa ni ra vakayagataka e 500 se sivia.


Na veivanua ni qalo, spas, saunas, na rumu ni veivakasavasavataki e na cawa(steam rooms) kei na wai tovure (springs): Na veivanua oqo era tu e loma ni vale era sa dola ka vakamuria na lawa me 1 na tamata e na veiya 4 na mita vakarivirivi 1 per 4 sqm. Na veivanua ni qalo e tautuba era sa dola ka vakamuria na lawa me dua na tamata e na veiya 2 na mita vakarivirivi 1 per 2 sqm. E gadrevi me maroroi vinaka tu na itukutuku kece ni veika e vakayacori.


Na vakamau: E sega ni yalani na levu ni tamata era tiko kina ke caka e tuba se e loma ni vale ka me na vakamuria na lawa me 1 na tamata e na veiya 2 na mita vakarivirivi 1 per 2 sqm ke maroroi na itukutuku ni soqo e na mona livaliva. E na veivanua e sega ni maroroi na itukutuku e na mona livaliva me na vakamuria na lawa me 1 na tamata e na veiya 4 na mita vakarivirivi 1 per 4sqm . Kevaka e vakayacori na vakamau e na dua na itikotiko, e yalani ga me tiko ga kina e lewe 15 na tamata. Na vanua ni danisi e na yalani ga ki na 50 ka me vakamuria na lawa me 1 na tamata e na veiya 4 na mita vakarivirivi
1 per 4sqm .

Na veibulu: E sega ni yalani na levu ni tamata era tiko kina kevaka e qaravi na soqo e tuba se e loma ni vale ia me na vakamuria na lawa me 1 na tamata e na veiya 2 na mita vakarivirivi 1 per 2 sqm ke maroroi na itukutuku ni soqo e na mona livaliva. E na veivanua e sega ni maroroi na itukutuku ni soqo e na mona livaliva me na vakamuria na lawa me 1 na tamata e na veiya 4 na mita vakarivirivi 1 per 4 sqm. Kevaka e vakayacori na veibulu e na dua na i tikotiko, e yalani ga me tiko ga kina e lewe lewe 15 na tamata.

Na veisoqo ( ceremonies) kei na veisoqo vakalotu: Me na vakamuria lawa me 1 na tamata e na veiya 2 na mita vakarivirivi mita 1 per 2sqm. Na veivanua era vakamuria lawa me 1 na tamata e na veiya 2 na mita 1 per 2sqm, e dodonu me maroroi e na mona livaliva na itukutuku me baleta na soqo. E na veivanua e sega ni maroroi na itukutuku e na mona livaliva me na vakamuria na lawa me 1 na tamata e na veiya 4 na mita vakarivirivi.1 per 4 sqm . E rawa ni vakayacori e na gauna vata ga na soqoni e loma ni vale kei
na soqoni e tautuba.

 


SELF-QUARANTINE:

Self-quarantine means you must stay at home. You cannot go to work, outside to exercise, to the shops or to visit friends and family. You can only leave your house for an emergency, to get tested or if you need medical help.

You cannot have any visitors over to your home. If you live with others, you should stay and sleep in a different room to other people as much as possible.


NA TIKO VAKATIKITIKI:

Na tiko vakatikitiki e kena i balebale mo tiko vakadua e nomu vale ka sega ni rawa ni ko lako ki cakacaka, vakaukauwa yago e tautubu, lako ki na sitoa,
se veisiko vei ira na nomu i tokani se na veiwekani, vakavo sara ga ke dua na ka bibi se na nomu laki dikevi tale vakavuniwai.

E vakatabui mo vakavulagi ki na nomu vale, ia kevaka ko tiko vata kei na so tale e dodonu mo tiko ka moce duadua ga ena dua na rumu.


ADVICE FROM FCAV AND VICTORIA GOVERNMENT:

Be adviced that while you enjoy the Christmas and New Years Festive Season with your families, make sure that you adhere to all advice and instructions to keep Victoria COVID Free. The Fijian Community Association Victoria and the Victorian Government wishes all Families and everyone a Merry Christmas and a Happy New Year.


ADVICE FROM FCAV AND VICTORIA GOVERNMENT:

Be adviced that while you enjoy the Christmas and New Years Festive Season with your families, make sure that you adhere to all advice and instructions to keep Victoria COVID Free. The Fijian Community Association Victoria and the Victorian Government wishes all Families and everyone a Merry Christmas and a Happy New Year.